Monday, January 5

Back to work

There is a light that never goes out (rett utanfor soveromsvindauget mitt)
Martin etter fotballtrening med dertilhøyrande apetitt.
Kneipptårn.


Nok eit resultat av Martins apetitt. Halvstekt browniekake. Kake fordi han fekk lyst på. Halvstekt fordi han plutselig ikkje hadde tid til å steike den ferdig før toget til Bergen gjekk.
Det er rart å vere i januar. Snart er vi halvvegs i vår Grünerløkka- og søskenkjærleikperiode. Eg skulle hatt med kamera på trening idag. Det er tydeleg at det er fleire enn meg som tenker "nytt år nye muligheter". Føltes som om eg var i ein hamsterkoloni der alle hadde kvar si tredemølle.
Til helga skal eg kanskje til Bergen. Og kanskje ikkje. Ida : It's uuup toooo yooouuuuuu.



Monday, December 22

Jingle Bell Rock

Igårkveld såg vi Home Alone medan vi åt riskrem og jordbærsaus. Feeeeel goooood.
Musikken står som ein fantastisk herlig kontrast til dei valdtekne versjonane av gamle gode Jingle Bells. Årsverste: technoversjonen hørt i jævlig klesbutikk på Karl Johan + farting reindeers frå Jamba.

Er endelig ferdig med julegåvehandel. Deilig å sleppe å trikke rundt med eit lass posar, vond rygg og stygg hoste. Trur eg fekk vondt i ryggen på grunn av den stygge hosten. Skummelt å hoste slik, sjølv om eg ikkje røyker eller har vore i kontakt med tuberkuløse folk (turberkul....?)
Men trikken kan by på nokre lysglimt. Feks dette, fritt etter Eva: Eit gammalt ektepar sit på trikken. Kona er ganske oppkava, seier "ro deg ned" til ektemannen, som forøvrig ser ut til å vere ganske rolig. Så stoppar pluteseleg ikkje trikkeføraren der dei skal av. "No når vi aldri toget, på grunn av den forpulte sjåføren" kjem det frå kona og dei hoppar av på neste stopp.

Berre ei natt igjen i Oslo no før jul. Den skal tilbringast på venstre sida av senga, mi nyfunne yndlingsside. Kanskje rommet er ryddig også? (?!?!?!?!?!!!!)
Det blir fint med jul, men ekstra fint med 3-dagars ferie.

Thursday, December 11

Pølseanger

Dei serverte wienerpølser med potetmos og sånn i kantina idag. Det smakte heilt ok medan eg åt, men straks eg var ferdig byrja eg å kjenne på ettersmaken. Urk. Pølseettersmaken som aldri forsvinn. Vil ikkje ete pølser igjen før det blir sommar igjen og vi kan grille. No er smaken nesten vekke. Martins kvitløkshamburgerar har tydeligvis fortrengt pølsene.

Det er skikkeleg kaldt i Oslo. Eg går rundt i leiligheten, blir forbanna på Martin for at han har skrudd av varmen for så å finne ut at varmen er på. Det er berre så kaldt at det ikkje virkar slik. Ute er det is på bakken og eg må gå i fornuftige sko. Har ikkje sett nokon skli og tryne enda (tviler på at noko kan måle seg med Lars aka Extra Large/Lars gå på tryne på Sydneshaugen med briller, kaffikopp og øretelefonar all over the place), men det kjem nok.

Ikveld er det igrunn litt koseleg å sitte inne i stua, høyre på the Kooks, suge og tygge på Läckerol, prøve å skrive engelskstil. Oppgåva er: Discuss the position of women in crime fiction. Det er sånn passe interessant og går sånn passe framover. Skulle ønske eg hadde fri til å sove lenge og pusle med oppgåva. Og handle julegåver, bake, trene, sjå film, gå ut, komme heim og ta fotbad. Men om to veker er det julafta og eg har juleferie.

Wednesday, December 3

"Mye vil ha mer"

, sitat Tuva.
Det er ikkje berre eit teit og tomt uttrykk. Når ein har det kjempebra vil ein berre ha det enda bedre. Sånn føltes det i alle fall søndag kveld. Helga var kanskje årsbeste(!). Fredag fekk eg trena, drukke rødvin, laga ostebakkels og ete dei med Inga, Martin og Guro. Lørdag morgon låg eg lenge og dro meg, småsov og dagdrømte i senga. Eg saknar studenttilværelsen :(
Deretter var det ut på shopping med Ingvild, på jakt etter den perfekte, lilla julebordkjolen. Vi fann vår kjoleoase på Oasis (param-psssjjt).
Eg ordna meg til lyden av the Kooks og dro vestover, nærare bestemt til Hos Thea på Frogner/Skillebekk. Der feira vi Ingvild sin 27årsdag med 4-retters middag midt mellom skrålete kvinnelige julebordgjestar og middelaldrande forretningsmenn. Etterpå tok vi taxi til Pigalle og sto i kø med kjipe, små haugesundmenn. Vel inne var det hyggelig, varmt og rødt. Vi møtte the Eggman, men såg ingen kvalrossar. Dansa, drakk vatn, prata, krangla med ein sint fyr i garderobekø og praia taxi like før taxikøhelvete braut ut. Finfin lørdag.
Søndagen var på mange måtar minst like bra. Lang luksusfrokost i Ullevålsveien og påfølgande småkvalm trikke- og togtur til Ås. Akutt julestemning å sjå snøen på marka og tjukke små busker surra inn med julelys. Første søndag i advent med min utvida familie :)

...men så er det ny veke. Halve kontoret er sjukemeldt slik at det blir jobb med stor J og hodepine med stor P. Etter jobb har eg laga daimiskake(nok eit forsøk på å herme etter Bestemor) og rydda, støvsugd og vaska leiligheten. Brand/Brave New Hanna.

Friday, November 28

Living for the weekend

Dagane flyr avgårde. Heile veker forsvinn i jobbing og plutseleg er det helg igjen. Det er føles litt skummelt, men mest deilig. Får ikkje gjort noko skulearbeid når eg kjem heim. Det eg derimot får gjort er å lage suppe (gårsdagens var mitt aller beste forsøk på å lage Bestemors blomkålsuppe + Parmesan), henge med Martin og lagt med tidlig.
Gler meg til helga. Skal shoppe, drikke, ete 4-retters og danse. Oslo er digg.

Monday, November 24

Aw C'mon No, You C'mon

Eg har hatt beste helga på lenge. Den byrja med ein fantastisk kveld på Pigalle med Tuva og endte med herlig Lambchop på Chateau Neuf. I mellomtida rakk eg å shoppe, ete biffmiddag hos Ingvild, vorse med Tuva og Kirsten, dra på fru Hagen og Blå, torturere føtta mine med høge helar, trene, ete sushi, drikke te og smile :)
Ting eg derimot ikkje rakk var å lese, rydde, vaske eller lage mat.
Men Oslo er deilig og Lambchop passer perfekt til kalde vinterdagar. Og snart er det jul....!

Monday, November 17

Sunnmørsblues

Eg har vore i Volda i helga (høgskulen i Volda brukar forresten ikkje forkoringa hiv, men heller hivolda, pussig nok). Mamma har nettopp flytta inn i sitt nye hus og saman har vi gjort veggane litt mindre nakne. Dessuten har eg vaska trapp, hørt på Julefergå-soundtrack, gått tur, besøkt ei verna bedrift(aka Felleskjøpet. Makan til sure og sløve sunnmøringar), drukke rødvin og ete god mat. Det einaste som virkelig manglar i huset er ein hund :(

Likevel var det ikkje så kjipt å vende tilbake til Oslo. Eg nådde akkurat 11-trikken og heime i Stolmakergata hadde Martin og Guro laga skillingsbollar og skulebrød. Deilig å sovne til lyden av søndags-Blå og lukta av bakverk.

Wednesday, November 12

A Certain Romance

Høgdepunktet frå Bonderomantikk igår:

Nå blir det andre boller, sa bakeren og dreit i deigen.

Dei udødelige orda blei uttalt av ein ikkje-akkurat-skarpaste-kniven-i-skuffen-fyr. Ubetalelig.


Monday, November 10

K-k-k-k-kunst














Fleire Van Gogh og Monet + Picassoskulpturar frå New York. Deretter kunst i og jenter på taket av Pompidoumuseet.

Sunday, November 9

Popcorn og appelsinjuice - all shook up






Eg var på julebord på fredag. Det var veldig kjekt. Mat drikke, samtale, kompliment, dans og generell hygge. Morgonen etter var mindre hyggelig. Var temmelig uggen då eg våkna, og formen blei stadig dårligare utover morgonen. Seminarrommet låg altfor langt unna toalettet og dermed nådde eg ikkje heilt fram. Dei stakkars reinhandsansvarlige må ha forbanna vegg-til-vegg teppet...
Det var nok ei blanding av fyllesjuke og omgangssjuke. Kjipt. Men ellers har helga vore fin. Kvalitetstid med meg sjølv og med Ingvild. Og idag: lam & rødvin. <3

Thursday, November 6

Delicate Hands

Plutseleg, i løpet av ein stk bursdag, har eg gått frå 0 par hanskar til tre par. Bursdagen min var skikkelig bra. Dagen byrja med te, ostesmørbrød, glis og Obamas seierstale på CNN. Arbeidsdagen gjekk kjapt og var full av gratulasjonar. Etterpå ordna eg på kjøkkenet, fekk besøk av min kjære Ingvild, drakk musserande, åt sjokolade frå sjokoladebutikken på Galleriet(kanskje det eg saknar mest med Bergen) og fekk besøk. Bordet var fullt av tapas, rødvisglas og omringa av elskverdige folk og deilige samtaleemne. Beste bursdag på lenge :)

Ikveld, kvelden derpå, sit eg med min første Assignment i engelsk litteratur. Det kjennest skikkelig bra å tenke, skrive, leite, delete og telle ord. Dessutan tar eg fotbad, drikk Martin sin smoothie, høyrer på min nye yndlingslåt: Echo & the Bunnymen - My Kingdom og gler meg til å legge meg nydusja i nyvaska, tynnslitt og typisk-Bergen-sengetøy. Og imårra skal eg på julebord og hotellovernatting........skandale?

Monday, November 3

Sushi

Paris har vore annleis denne gangen. Mest av alt fordi Ida har hatt ein form for omgangssjuke, men også litt fordi eg har ete sushi til middag kvar dag. Nam!
Helga har på mange måtar vore terapeutisk. Igår var vi på Pompidoumuseet og idag skal vi i svømmehall. Elles har den gode samtale stått i sentrum og dreia seg om kjærleik, amerikansk politikk, finanskrise, kulturelle klasseskille og ost.
Ikveld flyr eg heim til Oslo, men Paris - au revoir :)

Thursday, October 30

It's a jungle out there

Tirsdag kveld mens eg og Ingvild sat i mi trygge stove med tente stearinlys, røde roser, te, yade-sjokolade og bonderomantikk, var det nok langt mindre koseleg å ferdast i Brugata. Ein fyr med kniv stakk ned tilfeldige folk på gata. Desverre var han somalier. Dagen etter hadde til og med dei sløve narkomane som heng utanfor Oslo S fått det med seg. "De jævla somalierne ass" overhørte eg på veg gjennom zombiegjengen.

Igår var min første kveld heime aleine på lenge. Det var ganske fint. Eg kosa meg med pensum, te, Echo and The Bunnymen, risotto og dagdraumar. Dessuten gjorde eg noko anna eg ikkje har gjort på lenge: vaska kle. Gler meg veldig til å dra tidlig fra jobb imårra (sjølv om det av og til byr på artige øyeblikk. Som da Hildegunn, ei utrøyka, men veldig hyggelig dame på 60+ byrja å synge på "Drita full før Drøbakksund"...).

Paris + Ida = <3

Wednesday, October 29

Bursdagsønske

Det snør. Idagtidlig snødde det heftig og sidelengs. No er det kun nokre få snøflak att i lufta, resten smeltar om til sludd på bakken. Eg får endelig bruk for Goretexsko.

Den siste veka har vore som ei berg-og-dalbane. Eg har stort sett omgitt meg med fine folk, noko som har hjelpt på. Likevel har det vore ganske einsamt dei fleste kveldane.
og den einaste six-packen eg har fortært består av kleenex...

...men idag er det onsdag. Berre eit par fattige dagar til eg drikk vin med Ida i Paris og berre ei veke til eg kanskje får tidenes bursdagspresang: Barack Obama som amerikansk president!

Monday, October 20

A walk down memory lane

Sånn føltes det å lande på Flesland på torsdag. På Fantoft kom eg på våte sykkelturar med Ida til badmintontrening. På Danmarksplass tenkte eg heller på tyskvikariat og bensinstasjonjulebord. Dessuten var det digg å virkelig få bruk for stormparaply, ikkje berre drasse rundt på den i forsiktig og schizofrent regn som i Oslo.

Helga har vore veldig blanda. Såg eindel kule filmar på Biff. Dei beste: Religulous(deilig ode til agnostikarar), W (morsom Oliver Stone film om George W Bush) og La den rette komme inn(svensk oppvekst- og vampyrfilm satt til 70tallet). Og nokre meir middelmådige (veldig skuffa over Guy Ritchies Rocknrolla + Andy Kaufmans Synechdoche New York). Når eg ikkje var på kino var det koselig å spele Kortskalle eller TP med Knut og Erik Andreas. Ellers var det litt drama, mykje kos og mange tårer. Har aldri hatt så stor og vedvarande klump i halsen før. I nøden funka det å høyre på Tenacious D på vei til Flesland, for å komme på andre tankar.
Men det går sikkert snart bedre. Folka på jobb er hyggelige, Mamma er på besøk og snart får eg møtt mine næraste. <3

Tuesday, August 26

Keep it in the family

Det er kveld på i den nye leiligheten. Vi har tent lys og satt på oppvaskmaskina. Martin har funne ein radiokanal som spelar melankolsk klassisk musikk. 
Oslo sålangt har vore fint. Eg har truffe eindel av dei eg ville treffe, brukt pengar, vandra, trikka og sykla gatelangs og jobba ni 8-4 dagar. Dessuten har eg kjøpt meg treningskort :O :)
 
På søndag var eg litt vonbroten, men det er ikkje så ille å vere aleine. Heile det store rommet for meg sjølv. Fritt fram å rote, lese, synge, sove og stå opp. 

Idag var vi fem stk Oltedal rundt spisebordet. Vi slurva med isskeihygienen i trygg forvissing om at vi deler samme blod og sånn. 

Monday, August 11

Signed sealed delivered..

Har nettopp underteikna kontrakt og betalt depositum. Rar følelse å dra kortet for 30000kr. Er fint å vere framme i Oslo. Den nesten 11 timar lange bussturen var ein prøvelse, men no som eg er framme kan eg slå meg til ro med tanken på at eg aldri kjem til å ta den bussen igjen.

Elsker å sykle og gå gatelangs på Grünerløkka. Så mange koselige cafear, butikkar, grøntområde og folk. Gler meg veldig til å flytte inn neste mandag.

Helga i Bergen var veldig koselig den også, men no som Ingvild flytter nedover på onsdag, er det ikkje så mykje å sakne der borte. Kanskje valnøttbrødfrukost frå Godt Brød på Ingvild reine, fine kjøkken. Eller belgisk sjokolade & musserande. Eller Martin og Andreas. Men Martin kjem snart han og :)

Sweet.

Thursday, July 31

Søskenkjærleik

Eg og Andreas har det koselig. Vi er heime aleine, saman med Polly. Ikveld rydda Andreas huset, eg lagde chili con carne, og så gjekk vi tur på Solsidevegen. Deilig å ha litt kvalitetstid innimellom all jobbinga.

Ellers stresser eg litt med søknader. Skrive, printe, kopiere og sende. Dessuten stresser eg litt med at Polly plutselig skal dø. Slutte å hvese og stavre seg rundt i huset, ligge heilt stille og dø.

Fint/kjipt: Har brukt 2700kr på fine ting dei siste to dagane. Mellom anna eit innramma trykk. It's nice (and expensive)

Sunday, July 27

Sykling, sol og sveler

Det er varmt på vestlandet. Svette folk kjem innom museet og vil drikke brus og kaffi og ete vafler og rømmegraut. Igår kom ein slik mann inn i kafeen. Ein stor, tilsynelatande sterk og ganske svett mann. Han kjøpte kaffi, men fekk ikkje opp kaffikanna. Han spurte meg om å forsøke. Eg forsøkte og fekk den etterkvart opp. Han vart imponert og utbrøt:
Du er jo sterk som en gaffeltruck!

Ellers er det koselig å vere heime. Eg køyrer ein søt liten yaris, høyrer på lydbøker, syklar til jobb, heng med Silja (idag bada vi til og med i Jølstravatnet. Eg for første gang i sommar, ho for tredje gang idag), nyter Andreas sitt selskap, "prøvesmakar" rømmegraut og grue-gler meg til Oslo.

Monday, July 14

Mandagskveld i Mandal

Kom plutseleg på at eg har denne sida. Eller hadde, langt tilbake i steinalderen. Rart å lese kor mykje yngre eg var for nokre år sidan.

Sommarferien min har vore rolig, bedagelig, koselig,(litt) kjedelig, varm, grå, våt og (altfor) avholds. Har sett mange fine filmar (Blue Velvet, The Omen, Carrie, Vertigo, Short Cuts). Forrige helg var vi hos mine eldgamle besteforeldre. Der drakk vi Tou Eplemost, såg ut i den forvokste hagen og titta i fotoalbum. Likte spesielt det albumet barnebarna laga til bestefars nittiårsdag. Alle hadde skrive ned nokre minne om bestefar. Mine bar preg av ungdomsskulenovellespråk, full av skildringar og på klingande nynorsk. Martin sine minne var dei beste; dei likna på mine ved at dei tok for seg buksesele-draing og fysisk smerte, men i motsetning til mine var dei artige. Han skreiv ting som at "Det var alltid koselig å høre Bestefar fortelle om korleis det var å vekse opp i middelalderen".

Imorgon er ein ny og bedre dag. Eg skal sykle :)