Tuesday, September 25

Oktoberfest

Oktoberfesten byrja på lørdag, og allereie igår hadde eg rukke å bli litt lei + kroppen min protesterer mot å ha på seg dirndl i kald haustluft, drikke litervis av øl og ete feit mat. Men før eg og kroppen min blei lei, dro vi altså til Theresienwiese lørdag morgon.

 Der var det skikkelig vått
 Og ikkje alle gjekk i tradisjonelt antrekk (her ein Cheese-head, som Daniel seier betyr at kjem frå Minnesota...?)
 Diggu snacks. Minna litt om fiskesnacksen under Hanami i Japan.
 ......og etter lang tids venting, gjekk endelig startskotet for ølservering på årets Oktoberfest, etter at øl-paraden gjennom byen endelig nådde fram til Augustiner-teltet. Eller for vår del, den kalde våte utsida av teltet, sidan det var fullt inne.
 Prost!
 Andrew frå Belfast - probably best dressed Oktoberfest-tourist :)
 Daniel med ein lettare forvirra Taiwansk klassekamerat, med litt knekte sosiale antenner.
 Det var Vått.
 Endelig blei det plass til Daniel på benken
 Ganske glad for det. Det som skjedde etter dette, var at eg, Daniel og Andrew rømte inn til sentrum og satt i eit par timers tid i varmen på Starbucks og snakka om dei virkelig store spørsmål (Katolisisme vs Protestantisme, varighet av ekteskap, den nye sesongen av Forbrytelsen...). Så dro eg heim for å pleie forkjølelsen min - som blei mykje verre av kulden på lørdag. Heldigvis hadde eg framleis litt Fortnum and Mason-honning rommet.
 Søndagen var eg, klok av skade, meir fornuftig antrukke.
 Dessutan dro vi avgarde litt tidligare enn på lørdag, for å prøve å sikre bord inne i eit telt.
 Og det klarte vi! Mellom to australske vennegjengar - møtte forresten veldig mange frå Down Under.
 Hana & Enrico
 Og Oktoberfest
 ....
 Imponerande, og bestemte serveringsdamer. Ho her sparka til ein fyr som gjekk i veien for ho. Kyllingane og Mass'a (literskrukkene med øl) skal fram.
 Daniel i godt humør, fornøgd med kjærleikserklæringa han gav meg.
 Nemlig hjerteforma Leberkuchen.
 Eg var også ganske fornøgd. Men sjølve Leberkuchen varte ikkje lenge, vi åt den like etter, og det var først på heimvegen at eg såg at det ikkje var meininga - mange gjekk rundt med Leberkuchen rundt halsen heile dagen. Jaja. Perfekte turistar.
 Og så åt vi Apfelstrudel. Som nesten ikkje hadde noko apfel i seg. Og deretter hadde eg fått litt nok av mat og øl, og byrja på heimvegen.
 På veg ut av teltet såg eg spor av nokon som hadde fått litt meir nok enn meg.
 Men, når eg kom heim oppdaga eg at dette hadde skjedd med dirndl'en min....
 Uansett. Etter at eg hadde dratt var det fleire som joina Daniel, Hana og Enrico, nemlig Jørn og Andreas.
 Og Nasser og Barbara
 Og denne hatten byrja å gå på rundgang.
Enrico i særdeles godt humør. Og før han på slutten av kvelden blei tårevåt over at det heile er over for hans del - han reiste heim dagen etter.

Sånn her var det stort sett.








Med stadig nye forsøk på å styrte øl. Denne Japaneren(?) møtte ei blanding av heiing og buuing, men virka å høyre mest på heiinga.

Og her, ei miniparade søndag ettermiddag.


Sidan helga har vi ikkje vore på Oktoberfest, men heller sløva litt heime, sett tysk film (eg såg Mux Mäuschen Still igår - superbra og rar). Og så har vi booka ein weekend-tur! På torsdag henter vi leigebil og køyrer sørøstover, innover i Bayern og Alpane.

Daniel er forresten ferdig med tyskkurset sitt. Her er litt bilder frå den siste veka (a.k.a. oppvarminga til Oktoberfest)
 Siste skuledag - Daniel møter opp på skulen og regner med at alle gutane i klassen også har på seg lederhosen, men den gang ei. Anne-Sophie har i alle fall dirndl.
 2  x dirndl + 2 x Butterbrezl = Happy Daniel
Daniel og Andrew på siste Biergarten-treffet med Goethe.


Friday, September 21

Dirndl Daddy

Då vi kom hit til München og såg lederhosen og dirndl i butikkane lo vi litt for oss sjølv og snakka om kor teit det var at turistar kjøpte seg slike antrekk, at dei innfødte sikkert synes det er skikkelig harry osv. Så byrja Oktoberfest å nærme seg, og fleire av kameratane til Daniel snakka om å kjøpe seg lederhosen. Plutseleg på tirsdag hadde Daniel gått frå lederhosen-nekt, til å komme heim med nyinnkjøpte lederhosen, og allereie snakke om accesories (for ein må sjølvsagt ha hatt også....). Og når Daniel skulle gå Oktoberfest i møte i lederhosen, falt det seg naturlig å spandere dirndl på meg også. Så, takka vere min Dirndl Daddy:

 Prøvde den ut heime på rommet, og psycha meg opp til å gå med den ute blant folk for første gang.
 Så pakka eg dirndl'en ned i veska mi, gjekk bort til busstoppet og dro på skulen. Etter undervisinga skifta eg kjapt og dro til avsluttingsfesten (for intensivkurset til Daniel).
 Vel framme fekk eg sjå Daniel i lederhosen for første gang.
 og det blei tatt utydelige bilder i veldig godt humør.
 Så idag har vore ganske rolig. Etterkvart dro vi inn til byen og gjekk tur i Englischer Garten. Nydelig!
 Blei sultne og Daniel kjøpte ein sandwhich som smakte heilt ok,
 men ikkje ser så delikat ut, og i alle fall ikkje høyres særleg appetittvekkande: Leberkäse (leverost - sjølv om den visstnok ikkje inneheld hverken lever eller ost)

Og som om ikkje det var nok, fann vi ein frozen-yoghurt kafe like i nærleiken. Digg.
 Framleis på tur rundt i parken
 Men etter lite nattesøvn og eindel gåing i sola, måtte vi ta ein liten powernap.
Og på veg ut av parken såg vi noko av det vi hadde leita etter heile tida: det kinesiske tårnet. Rundt det er det ein heilt enormt stor Biergarten. Skjønt, vi anar kanskje ikkje kva enormt er før vi har vore på opninga av Oktoberfest imorgon. (Grue-)gler meg til folkemengdene, øl'et, maten, lyden og stemninga.

Men enn så lenge ladar vi opp med elendig tysk film ("Friendship"), lørdagsgodt på ein fredag og forhåpentligvis ei god natts søvn. Det kan vi trenge når vi må opp og inn til Oktoberfestområdet i åttetida imorgon tidlig.

Tuesday, September 18

Turistlukt

Eg hugser at Ida fortalte om den umiskjennelige turistlukta etter lange somrar på turistinformasjonen i Bodø, og eg kan tenke meg at Inga kjenner den ganske godt ho også. Vi fekk i alle fall snust litt på turisttilværelsen i helga, med eit lågpunkt/hødgepunkt på søndagen. 

 På fredagen var det fint ver, så vi tok S-Bahn og trikk til Nymphenburg Schloss, for å gå tur.
 Superfint med kanalane der

 Og såpass varmt at vi kunne ligge og kose oss i sola
 ....men såpass sterk sol at det var vanskelig å ta bilder

 Bedre med solbriller (mulig ny rekord: ikkje mista solbriller på 3.5 år?!?)
 Nydelig med den kunstige innsjøen framfor slottet, med svanar og ikkje altfor mange turistar. Vi hadde egentlig planar om å gå vidare oppover gjennom botanisk hage, men blei sultne og slitne i beina, så vi snudde og dro nedover mot Laim.

 Kanskje det mest disgusting vi har sett sålangt på tyske matbutikkar?
 Hamburgarar for ekstremt late folk
 Og porsjonsglas med vin. Daniel fortel meg forresten at dette er eit ganske typisk lei/irritert blikk frå meg. Dårlig humør, eg?!
 Mat & te-fangst frå England. Det som ikkje vises her er Green & Black's Organics-sjokoladeplatene. Ei halv plate blei for eksempel ete til frukost på senga på lørdagen....
 Sugar in the morning, sugar in the evening..... Daniel testar smarties-yoghurt til frukost.
 Etter ein lang, sløv lørdagsmorgon kom vi oss endelig inn til byen og dro til Alte Pinakothek. Det var stort, men ikkje for stort, og fullt av kunst frå ca 1350-1700. Litt meir Daniel sin smak enn min, men flott likevel.
 Apropos smak - etter fleire timars gåing og sjåing var vi klare for lunch, og gjekk ned til The Victorian Tearoom i første etasje. Der serverte dei gigantiske kakestykker, så gigantiske at Daniel for første gang fekk problem med å ete opp sitt ostekakestykke (!)
 Eg åt rabarbra og mascarpone-terte. Nam!
 Ein liten tur innom bokhandelen. Denne ønsker eg meg.
 Og så til mi yndlingsavdeling: franske maleri frå 1700talet.
 Madame Pompadour...

 Og plutselig kom vi over ei norsk pensjonistgruppe som hadde ei guida omvising på norsk. Vi hang litt rundt for å få med oss kva som blei sagt, men blei ikkje så mykje klokare:
Kvifor tittar feks. puppar fram over kjolane på nederlandske maleri?
 Hm.
 Vanskelig å få fram kor stort dette var, men here goes: 6 meter høgt Rubens-maleri
 Ein annan favoritt: Albrecht Altdorfer
 På vegen heim kikka vi litt på det neste kunstmuseet på lista vår: Neue Pinakothek.
 og for å vere litt flinke elevar, tok vi med oss tyskleksene inn på ein bar i Pasing.
 Vel heime lagde eg mi beste suppe på lenge: gresskarsuppe. Etterpå tok vi ein rolig kveld, for å lade opp til den tidlige morgonen på søndag.
 Søndag sto vi nemlig opp halv sju, for å rekke å vere ved Hauptbahnhof før 8 og dra på utflukt til Neschwanstein. Det vi ikkje var heilt klar over, var at bussen først tok ein detour til eit Bayersk folkemuseum....
 Det var det veldig fin utsikt, midt i Alpenvorland, med morgontåke.

 ....men museet var så som så. Eit slags stort Sunnfjord folkemuseum, og sidan fattige tyske bønder ikkje levde så annleis enn fattige norske bønder, var det litt kjedelig.
 Heldigvis hadde dei rykande fersk apfelstrudel. Vi delte eit stykke, med krem. Kanskje dagens høgdepunkt.
 Vel framme i Neuschwanstein/Disneyland - sånn føltes det i alle fall.
 For å komme oss litt unna turiststrømmen gjekk vi tur rundt Alpensee.
 Forkjøla, lei og ufotogen.
 Nydelig utsikt på veg rundt innsjøen, sjølv om vi etterkvart vart litt stressa for å nå fram til Neuschwanstein i tide til omvisinga klokka fire.
 ....så vi gjekk superfort rundt innsjøen og vidare oppover mot slottet
 Her var vi endelig nådd fram til utkikkspunktet Marienbrücke
 Ganske svette, både pga kjapp gåing, og litt pga høgdeskrekk
 Ganske verdt det.

 På veg ned igjen til slottet
Og til slutt mens vi venta på å gå igang med omvisinga. Omvisinga var kanksje den dårligaste eg har vore med på: 50 personar, 25 minutt, mekanisk omvisar og kun nokre få rom tilgjengelige for omvising. Det er forsåelig nok når det er eit gjennomsnitt på 10.000 besøkande kvar dag, men meir gjennomturistifisert og McAttraksjon skal ein leite lenge etter. Utsikta og turane var det finaste - sjølve slottet og omvisinga på det kunne eg vore forutan.

Og det var den helga. No slit eg med den samme forkjølelsen som Daniel hadde forrige veke, og prøver å lage ein presentasjon til Tysken imorgon, der eg skal forklare Tea & Afternoon Tea. Ganske passande, sidan eg drikk kopp på kopp med te med honning (+ lemsip).