Wednesday, May 23

510

Det er heilt sjukt å tenke på at eg har tatt 510 studiepoeng. Meir enn eg nokon gang kjem til å få bruk for, og nok til å forklare størrelsen på studielånet mitt. Leverte dei tre eksamensoppgåvene i PPU idag, tre gangar seks sider, og plutseleg er tilveret som fulltidsstudent over for alltid. Litt vemodig, men mest deilig. Har allereie byrja på den første av maaaange bøker eg skal lese framover, Erica Jongs Fear of Flying. Og så snart Daniel leverer det han skal på fredag kan vi gå igang med tysk-prosjektet igjen.

....men sjølv om eksamensoppgåvene har hengt over meg i det siste, tok eg meg fri til å feire 17. Mai forrige veke. Det såg litt slik ut:

 Martin tar alltid like heldige bilder
 ...nedanfrå og opp
 Nasjonaldagsdans
 Dancing Queens...
 The Scary dance











 Eivinds reaksjonar på noko ganske sjokkerande?


















 The secret service photo bomber Arnstein...?




 Anes digge kefirkake!









Og det var den 17. Maien.

Friday, May 4

Gressenke

Det er ca to veker til Daniel skal levere prosjektet sitt. Dvs to veker som gressenke/hobbypsykolog/hundepassar/motivator....

 Siste dag med (litt for) lite stress var første mai. Då gjekk vi tur ut til Bygdøy i sola
                                                


Men no framover blir det fleire kveldsturar i Frognerparken



.......det som ikkje kjem fram her er lyden av russebussane. Gler meg finare kveldsturar etter 17 mai, og enda bedre: til å vere ferdig med ped'en og fri for dårlig samvittighet den 22 mai!

Monday, April 30

Fantastisk fredag

Forrige fredag hadde eg og Ingvild endelig fri samtidig, i samme by. Dermed fekk vi ein heil dag med kvalitetstid, -mat og -drikke.

 Først frokost a la Ingvild, med treårsdags-roser
Etter frukost dro vi til Kristins brudesalong og prøvde ca 1000 kjolar - alt frå ugly Disney til sjølvlysande discoqueen. Butikkmedarbeideren var stor tilhengar av eliminasjonsmetoden (jo meir uaktuelt, jo bedre), men merker at ikkje er blitt så mykje klokare.

Uansett, etterpå tusla vi nedover Skovveien til Mares for lunch. Superdigge supper, Moules frites og musserande. Derifrå innom Sebastien Bruno og kjøpte makronar, Chablis hos Dana og deretter heim for å lage tapas.... som var ferdig litt i seinaste laget for svoltne gutar.


 Men vel verdt å vente på


Og snipp snapp snute, så var den (freakishly "Frognete") fredagen ute.

Wednesday, April 25

Orange coffee mocca

Har hatt litt hang-up på denne kaffien siden eg smakte den forrige veke. Kaffi mocca med appelsinsjokolade. Nam! Denne veka blir det ein ny mulighet for kvalitetstid på ein kvardag. På fredag har eg og Ingvild avtalt å ha date heile dagen. Frokost, brudekjoleprøving, lunch, kaffi, pol(ing) og så kanskje tapas. Mykje mat mao. Og kvalitetstid og kjærleik :)

Saturday, April 21

Mock

Denne helga står tentamensretting for tur. Eg har såvidt byrja på bunken, og vekslar mellom å bli positivt og negativt overraska. Og prøver å ikkje vere altfor streng. Ellers er eg ferdig med dei siste seminara (!). Det føles heilt uvirkelig at 2x8 seminar er over, og at det no kun gjenstår formalitetar som å godkjenne kvalifiseringsoppgåver og etterkvart rette eksamen.

 Så no blir det færre seine, utmatta kveldar heim til Luna
Og fleire tidlige, nytrente ettermiddagar.


 ....og helgefrukostar
Med morgontrøtt, motvillig fotoobjekt <3

Dessuten er det superdigg å kunne lese andre ting enn litteraturpensum. Mavis Gallant for eksempel. Og fortrenge pedagogikken og fagdidaktikken litt til. 

Sunday, April 1

G is for German

Daniel skal sansynligvis på utveksling til München til hausten, og eg skal vere med. I den anledning har eg leita fram det eg fann av tyskbøker heime, samt lånt bøker frå jobben.


Skummelt kor lite som er skjedd med tyskbøkene sidan eg gjekk på vidaregåande. Dei har fått ny forside, og nokre bilete av Angela Märkel, men ellers er alt ved det gamle


......og masse memory


Ellers er vi litt usikre på kva som skjer med Luna. Det gjeld å finne nokon som vil overta ho eit års tid. Lettare sagt enn gjort, sjølv om ho er fin og leiken.



Ja, og så er det rotete i stova og det midlertidige bordtennisbordet står framme konstant :)

Thursday, March 8

The Trick is to Keep Breathing

Det er lenge siden eg las den Janice Galloway-boka, men har aldri tidligare følt at tittelen stemmer så bra med livet mitt. Denne veka skulle studentane på begge seminargruppene levere førsteutkast på stilar. 8 oppgåver å velge mellom, og sjølv om dei fleste har valgt dei samme oppgåvene, så er det eit par elevar som har valgt ei oppgåve om eit stykke eg ikkje har rukke å lese enda..... not good :)

Istedenfor å fortsette å rette stilar, eller lese i Mrs. Dalloway, så fekk eg lyst til å mimre litt rundt dei siste vekene.

På dette kontoret prøver eg å bruke så mykje tid som mogleg. Særleg med tanke på dei 33 stilane som gjenstår å gi tilbakemeldingar på.

Det er stort sett Daniel som tar ansvar for Luna for tida, men eg er med på ein og annan kveldstur, helst kledd som ei svær, rød og sponsa boble.

Mamma har vore på vinterferie i Oslo og fått teknisk assistanse frå Daniel
Og Daniel fylte 30! I tillegg til sykkel og mini-bordtennisbord ( <3 ) fekk han herlig barnslig snop.

Og akkurat når eg trudde at Oslo-vinteren gjekk mot slutten, våkna eg til Winter Wonderland idag tidlig. Det blir mao ei bra helg for å holde meg innandørs med rettebunke :)

Sunday, February 5

Ein fjerdedel

Eg er komen ca så langt i seminara, to av åtte veker er unnagjort. Og det har vore skummelt, kjekt, trasig, flaut, morsomt, frustrerande og fantastisk, i den rekkefølga. Denne veka står Shakespeare og Donne for tur, og er ganske spent på korleis det blir. Men seminara kjennest ikkje så uoverkommelige ut som dei gjorde før eg starta, sjølv om eg framleis knapt har starta på Great Expectations. Kanskje eg må lese eit samandrag nok ein gang, a la det eg lånte frå Knut?

Ellers har den siste veka vore prega av mykje jobb og praksis, og lite tid til å kokkelere, trene, rydde eller vaske klede. Heldigvis har Daniel vore snill kjæreste

Ein dag hadde han laga romantisk torskemiddag til meg. Med sanasol-aktig saus

Og i helga har eg endelig kobla litt ut og slappa av. Igår var heile frokostgjengen samla i Veslekroken til deilig frukost, koselige oppdateringar og mitt fjerde møte med Bridesmaids. Og den er heilt klart morsomast å sjå i selskap med jenter :)


Rannveig kjørte oss i ein Kia som skilte seg ganske bra ut frå dei andre bilane på Montebello.

Og idag har vi endelig rydda og vaska her heime, og gjort klar til ny veke. Så no er det ingen fleire unnskyldningar for å utsette Shakespeare og Donne...urk.

Monday, January 30

Stresstest

Eg tok nettopp ein stresstest på kk.no. Fekk opp at eg er i faresonen. No shit Sherlock, eg sit på kontoret på Blindern og lagar opplegg til tirsdags og torsdagsseminaret denne veka, har akkurat hatt ein full praksisdag på Rosenvilde og har ein haug nyare historie å lese meg opp på.

....men sååå stressa kan eg umulig vere, sidan eg hadde tid til å ta stresstesten i det heile tatt :)

Monday, January 9

Nytt år, nye ......

muligheter? Eg er iallefall igang med å forberede meg på litt av det nye dette semesteret. Denne helga var eg på Blindern saman med Inga tidlig om morgonen, aleine på masterlesesal, og oppslukt av Sonnet-theory. Når eg kom heim kosa eg med Luna <3



Og på fredag var eg hos tannlegen, borra to hol og var super-bedøvd.
bedøvd smil

Så no har eg eit par nyttårsforsett:
-ta bedre vare på tennene mine
-vere meir økonomisk
-vere meir sosial (så snart psycho-semesteret blir litt mindre psycho)
-vere sunnare
-vere ryddigare





Friday, December 30

Year's End

Ifjor på denne tida satt eg med kapittel to av masteren, og nærlas den nestsiste novella i Unaccustomed Earth, "Year's End". Den handlar om ein juleferie med familiekonfliktar, som ender i at sonen skjeller ut dei nye stesøstrene sine, stikk av og tilbringer romjula og starten av det nye året aleine på barar og motell oppover austkysten av USA. Det å skrive masteroppgåve kjennest veldig langt borte, men novellene kjenner eg framleis ut og inn. Skulle ønske eg hadde tid til å lese dei på nytt no, men eg bør heller gå igang med denne bunken:

Sålangt har eg berre lese ut Julius Caesar, og er nesten ferdig med den tynnaste poesi-boka. No er eg byrja på Emma av Jane Austen, og sjølv om den er koselig nok så går det sakte framover. Og no er det kun nokre veker til eg skal møte dei andre seminarlederane og kunne snakke om bøkene! Men det skal nok gå, ei side om gangen, og ein litteratur-podcast om gangen. Dessuten kan det hende eg blir nødt til å ringe Mamma for å få hjelp til å tolke litt her og der. Ho flaug heim idag tidlig, og vi saknar ho alle tre, særlig Luna.


Men ja. Tilbake til Emma på kindle på senga.

Saturday, December 10

Dr. Dana

Eg og Dana var på Corebar på Elixia igår (samme plass som eg blei frastjåle joggesko på torsdag, men men) og etterpå...
feira vi at Dana fekk doktorgradsstipendiatet med carborific lunch på Cafe Fedora og påfølgande julehandel.

Så var vi ein tur borte hos Inga for å helse på ho og Geo
Nydelig Westie, dog ikkje like lett å kose med som Luna.



Luna i eit slapt øyeblikk - på Daniel sitt gaming-fang (og Daniel i Mr. Big tskjorta :).
Sexypasta med spinatsaus :)

Daniel stiller opp kalendergåver



Denne er eg straks ferdig med. Neste på lista er Shakespeare sin Julius Caesar. Sweet.


Guro og Martin låner Luna, sånn at vi kom oss ut på ein slags tapasmiddag igårkveld.

Monday, December 5

Ei helg, 36 stilar

Denne helga har stått i stilrettinga sitt tegn. Idag har eg knapt gjort anna enn å rette stilar, og no har eg kun 6 halvdagsstilar igjen. Heldigvis var det noko lystig lesing i løpet av bunken, noko ufrivillig morsomt, noko veldig bra. Men ting tar tid.

Dette er ca det villaste eg har gjort denne veka. Ete sharon frukt og drukke te framfor dataen...

Thursday, December 1

1. Desember

Det er første desember idag og vi byrja på denne:


Ingela har laga kalender til oss!
På torsdagar og fredagar har eg kun Blindern og kan stå opp sammen med Daniel. Då blir det frukost på senga og årets første kalendergåve: julete cupkake-former.

Ellers så har Luna løpetid. Ifølge folka i hundebarnehagen er ho så kåt og klar at ho står med rompa pressa opp mot gitteret mellom seg og guttehundane. Vel heime er ho naturlig nok heilt utslitt etter all denne seksuelle frustrasjonen.